Lexoni edhe:
Nikola Sanduloviq , shembull modern i ndërtimit të paqes në mes të popujve në konflikt qindravjeçare, thirrje e sinqertë pajtimi ndërmjet shqiptarëve dhe serbëve!
Interi s’po mendon për vazhdimin e bashkëpunimit me Lukakun
Interi nuk po mendon për momentin për vazhdimin e bashkëpunimit me Romelu Lukakun. Eksperienca e dytë e sulmuesit belg tek “Nerazzurri” nuk i ka përmbushur pritshmëritë pasi atë e përshkuan lëndimet dhe forma e zbehtë. Ish-futbollisti i Evertonit dhe i Manchester Unitedit është i huazuar në Milano nga Chelsea dhe kjo marrëveshje do të skadojë në muajin qershor, përcjell "Kosova Sot Online".
Tash për tash, Zikaltrit nuk e kanë marrë ende një vendim për “bishën” e sulmit, i cili në eksperiencën e tij të parë në “Giuseppe Meazza” e kishte ndihmuar Interin që të shpallej kampion i Italisë dhe ishte i jashtëzakonshëm.
“Ne nuk jemi në bisedime me menaxherët e tij rreth huazimit apo për të ardhmen e tij. Ne duam që Lukaku të fokusohet në fushën e blertë, ai është duke u përmirësuar dhe do të na ndihmojë shumë. Ai e di se tek ne është ‘me qera’, ai do të bëjë gjëra të mëdha”, u shpreh drejtori i Interit, Piero Ausilio.
Chelsea është i interesuar ta shesë përfundimisht kartonin e Lukakut dhe nëse jo në Inter, këtë do ta bëjë në një klub tjetër gjatë verës që vjen.
(Kosova Sot Online )
