Milani ka regjistruar ndeshjen e dytë radhazi pa fitore
Milani ka regjistruar ndeshjen e dytë radhazi pa fitore në Serie A.
Pas humbjes ndaj Fiorentinas javën e kaluar, skuadra e drejtuar nga Stefano Pioli sonte luajti baras me Salernitanan.
Ndeshja e zhvilluar në “San Siro” përfundoi me rezultatin 1:1. Ky takim i takoi javës së 26-të në elitën e futbollit italian.
Kampioni në fuqi i Italisë e mbylli pjesën e parë me epërsi minimale, pas golit të shënuar nga Olivier Giroud (45+1’).
Por, “Rossonerët” nuk e shtuan, as nuk e ruajtën këtë epërsi në pjesën e dytë.
Boulaye Dia (61’) shënoi për të barazuar shifrat, gol që doli të jetë edhe i fundit në këtë ndeshje.
Milani pas këtij barazimi ka 47 pikë në pozitën e katër në tabelë, kurse Salernitana pozicionohet e 16-ta me 26 pikë.
(Kosova Sot Online)