Lexoni edhe:
Barcelona i ofron kontratë të re Xavit deri ne vitin 2026
Vedat Muriqi nuk po ndalet. "fluturon" drejt rekordeve të reja
Futbollisti kosovar Vedat Muriqi po shkon me hapa të sigurt drejt rekordeve të reja, transmeton "Kosova Sot Online ".
Sulmuesi kosovar i ka realizuar 12 gola deri tash në 25 paraqitje, ndërsa i ka shtuar edhe dy asistime.
Me këtë rast, 28 vjeçari i ka barazuar rekordet e Dni, Arango, Aduriz e Bergara, ish-futbollistët e njohur të Mallorcas që i kishin shënuar nga 12 gola.
E tash, prizrenasi i ka në lojë edhe 10 ndeshje për të thyer rekorde të tjera.
Nëse e shënon edhe një gol, ai do t’i barazonte rekordet e Budimir, Amato e Dominguez, të cilët i kishin realizuar nga 13 gola sezonalë në të kaluarën.
Gjithashtu, “Pirati” është veç dy gola prapa rekordeve të Luque, Pandiani e Eto’o, që i kishin shënuar nga 14 gola, edhe pse kamerunasi rekordin absolut me klubin ishullor e ka 17 gola.
Por, nëse vazhdon me ritëm të tillë, ish-futbollisti i Rizesporit, Fenerbahçes dhe Lazios mund ta arrijë edhe rekordin e Diego Tristan, i cili i kishte shënuar 18 gola në sezonin 1999-2000.
Top 15 shënuesit e Mallorcas në LA Liga
1. Güiza, 27 gola në sezonin 2007-08
2. Magdaleno, 19 gola në sezonin 1986-87
3. Tristán, 18 gola në sezonin 1999-00
4. Eto’o, 17 gola në sezonin 2003-04
5. Luque, 14 gola në sezonin 2001-02
6. Pandiani, 14 gola në sezonin 2002-03
7. Eto’o, 14 gola në sezonin 2002-03
8. Amato, 13 gola në sezonin 97-98
9. Domínguez, 13 gola në sezonin 1969-70
10. Budimir, 13 gola në sezonin 19-20
11. Muriqi, 12 gola në sezonin 2022-23 (i ka edhe 10 ndeshje)
12. Dani, 12 gola në sezonin 1998-99
13. Arango, 12 gola në sezonin 2007-08
14. Aduriz, 12 gola në sezonin 2009-10
15. Bergara, 12 gola në sezonin 1965-66
(Kosova Sot Online )
