Sonte në përballjen Inter – Juventus, zbulohen formacionet e mundshme të gjysmëfinales së Kupës italiane

Trajneri i Juventusit , Massimiliano Allegri mund të përdorë një formacion 3-5-2 pa asnjë qendërsulmues klasik kundër Interit, ndërsa Simone Inzaghi nuk pritet të bëjë shumë ndryshime, përvese Edin Dzeko shihet si favorit ndaj Romelu Lukakut, transmeton "Kosova sot Online".

Interi është gati ta pres Juventusin nga ora 21:00 në ndeshjen e dytë gjysmëfinale të Kupës së Italisë, me takimin e parë në Torino që përfundoi me barazim 1-1.

Lexoni edhe:

Carlo Ancelotti reagon i çmendur: E rëndë të humbësh kështu, skuadra nuk luajti si duhet

Nerazzurrët duhet të përballen pa të dëmtuarin Milan Skriniar, por Lukaku është i disponueshëm pasi FIGC hoqi ndalimin e tij në një ‘deklaratë kundër racizmit’.

Belgu, golashënuesi i dy golave ​​kundër Empolit të dielën, pritet ta nis ndeshjen nga bankina, me Dzekon dhe Lautaro Martinez në krye të sulmit.

Juventusit i mungojnë opsionet në sulm, pasi ka të lënduar dyshen Dusan Vlahovic dhe Moise Kean. Federico Chiesa dhe Angel Di Maria pritet të startojnë në sulm me formacionin 3-5-2 pa qendërsulmues klasik. Në këtë rast, Arek Milik do ta niste ndeshjen nga stoli.

Leonardo Bonucci pritet të kthehet në formacionin titullar, ndërsa Fabio Miretti është favorit ndaj Nicolo Fagiolit në mes të fushës.

Te Interi nga minua e parë pritet të luajnë emra si Alessandro Bastoni, Nicolo Barella dhe Hakan Calhanoglu.

Formacionet e mundshme

Inter (3-5-2): Onana; Darmian, Acerbi, Bastoni; Dumfries, Barella, Calhanoglu, Mkhitaryan, Dimarco; Lautaro, Dzeko;

Juventus (3-5-2): Perin; Bremer, Bonucci, Danilo; De Sciglio, Rabiot, Locatelli, Miretti, Kostic; Di Maria, Chiesa;