Lexoni edhe:
Gjykata ka vendosur datën, ja kur do të mbahet seanca fillestare ndaj tre të akuzuarve për vrasjen e trefishtë në Gllogjan
Barcelona nuk po ndalet, po vazhdon me parregullsi, do të gjobitet edhe me 15 milionë euro
Barcelona pritet ta pësojë një tjetër goditje financiare për shkak të shkeljes së rregullave, transmeton "Kosova Sot Online".
Autoritetet fiskale të Spanjës do ta gjobisin klubin katalunas me 15,7 milionë euro.
“Blaugrana” dështuan t’i deklaronin saktë disa shpenzime tek organet tatimore, ndërsa ka përputhje të deklarimeve të largimeve nga klubi të ish-lojtarëve, Arda Turan dhe Alexander Song, raporton mediumi spanjoll “Marca”.
Klubi dështoi ta deklaronte koston e fluturimit të lojtarëve me çarter dhe po ashtu nuk e bëri të ditur koston e huazimit të makinave Audi për lojtarët e ekipit kur brendi gjerman i veturave ishte sponsor i klubit.
Ata po ashtu nuk e saktësuan korrekt mbylljen e marrëveshjes me futbollistin Turan, në kosto prej 1,312 milionë eurosh dhe të Song, që llogaritet një shumë prej 3,5 milionë eurosh.
Kjo nënkupton se klubi e pësoi një goditje tjetër në tentim të balancimit të buxhetit, ndërsa “Blaugrana” do të mundohen ta rrisin buxhetin për 200 milionë euro gjatë verës në mënyrë që të mos bien në kundërshtim me limitin e pagave, por edhe të besueshmërisë së tyre.
Ky rast i bashkangjitet atij “Negreira”, ku Barcelona po hetohet për pagesat ndaj ish-presidentit të Komitetit të Referëve, Jose Maria Enriquez Negreira.
E “tërmeti” i fundit e vulos idenë që Barcelona i ka thyer rregullat, ndërsa presidenti aktual, Joan Laporta e ka vendosur gishtin nga paraardhësi i tij, ish-presidenti i Barçës, Josep Maria Bartomeu.
(Kosova Sot Online )
