Lexoni edhe:
Lionel Messi pretendenti kryesor për Topin e Artë
Spalletti mund të ndryshojë planin, klubi nga Arabia Saudite i ofron 20 milionë në sezon
Luciano Spallettit i është ofruar një pagë e madhe për të marrë drejtimin e një klubi në Arabinë Saudite.
Italiani në sezonin e fundit udhëhoqi Napolin drejt titullit të kampionit në Serie A, transmeton "Kosova Sot Online ".
Mirëpo, pas përfundimit të sezonit 2022/23, ai vendosi që të largohet – teksa theksoi se dëshiron që të ketë një pushim për së paku deri në vitin e ardhshëm.
Megjithatë, sipas “Tuttomercatoweb”, Spalletti mund të joshet që të ndryshojë planin, pasi atij i është ofruar një pagë me vlerë deri në 20 milionë euro në sezon, për të marrë drejtimin e një ekipi në Arabinë Saudite.
Klubi që ia ka bërë këtë ofertë besohet që është Al-Hilal, që së fundmi u refuzua nga trajneri i Juventusit, Massimiliano Allegri.
Spalletti ka qenë trajner jashtë Italisë më parë, duke kaluar më shumë se katër vjet në Rusi me Zenit St Petersburg.
64-vjeçari gjatë karrierës së tij ka qenë trajner edhe te Inter, Roma, Udinese, Ancona, Venezia, Sampdoria dhe Empoli.
(Kosova Sot Online )
