Man City refuzon ofertën e parë për Mahrezin
Manchester City raportohet se ka refuzuar ofertën e Al-Ahlit për Riyad Mahrezin.
Eksperti i transferimeve, Fabrizio Romano, ka raportuar se oferta me vlerë prej 21 milionë eurosh u refuzua nga kampionët e Anglisë
Man City po kërkon së paku 35 milionë euro për shitjen e Mahrezit, dhe po presin që klubi nga Arabia Saudite të bëjë një ofertë të re.
Te Al-Ahli thuhet se janë gjithnjë e më të sigurt se do të nënshkruajnë me algjerianin.
32-vjeçari ka marrëveshje personale me klubin saudit, për një kontratë dy-vjeçare, me mundësi vazhdimi edhe për një vit të tretë.
Ndryshe, Riyad Mahrez me Manchester Cityn ka kontratë të vlefshme deri në verën e vitit 2025.
(Kosova Sot Online)