Lexoni edhe:
Zbulohen prapaskenat e dorëheqjes së Luis Rubiales, presidentit të Federatës Spanjolle
Zbulohen shumat, ja sa para do të fitojë Ballkani nëse kualifikohet në grupet e Ligës së Konferencës
Derisa Ballkani dhuroi një tjetër spektakël mbrëmë në stadiumin “Fadil Vokrri” në Prishtinë atë e pret një shpërblim i madh nëse kualifikohet në grupet e Ligës së Konferencave, transmeton "Kosova Sot Online".
Kampioni i Kosovës triumfoi 4:1 ndaj ekipit të njohur, BATE Borisov në ndeshjen e parë të play-offit në Ligën e Konferencës.
Krejt çka do t’i duhet Ballkanit në ndeshjen e kthimit që zhvillohet javën tjetër është të mos pësojë humbje me tre gola diferencë.
E nëse e arrin fazën e grupeve, suharekasit do të fitojnë shuma të majme parash.
Pjesëmarrja në grupet e Ligës së Konferencës shpërblehet me 2.94 milionë euro.
Ndërkohë që për çdo fitore në ndeshjet e grupeve, shpërblimi është 500 mijë euro, ndërsa barazimi në grupet e Ligës së Konferencës vlen 166 mijë euro.
Sezonin e kaluar, Ballkani kishte arritur katër pikë, pra një fitore dhe një barazim nga gjashtë përballjet e fazës së grupeve të kësaj gare.
(Kosova Sot Online )
