Lexoni edhe:
Cristiano Ronaldo i rrezikuar nga bullizmi, për pak sa nuk hoqi dorë nga futbolli
Dortmundi dhe Augsburgu në bisedime të avancuara për transferimin e Mërgim Berishës në Signal Iduna Park
Augsburgu e ka blerë këtë verë Berishën për shifrën e katër milionë eurove nga Fenerbahce, mirëpo dëshira e lojtarit është të bëj një hap para në karrierën e tij, transmeton "Kosova Sot Online ".
Gjiganti gjerman Borussia Dortmund është një kërkim të një sulmuesi dhe Sky Sport ka raportuar se Mërgim Berisha është në radarin e tyre.
25-vjeçari kosovar me pasaportë gjermane është i gatshëm për t’iu bashkuar verdhezinjve dhe po pret që dy klubet të gjejnë një marrëveshje.
Sipas mediumit gjerman dy skuadrat janë në bisedime dhe 48 orët e ardhshme janë vendimtare për tu arritur një marrëveshje.
Augsburgu është gati ta lejoj Berishën të largohet për të bërë një hap para në karrierën e tij, por i ka bërë të qartë se pa u paguar 15 milionë euro një gjë e tillë nuk do të ndodhë.
Sezonin e kaluar Berisha në 23 ndeshje në Bundesliga realizoi nëntë gola e dhuroi katër asistime duke bërë që falë formës së mirë të marrë ftesë edhe nga Kombëtarja A e Gjermanisë.
Interesim për kosovarin kanë shprehur edhe dy skuadrat tjera gjermane si VfL Wolfsburg dhe SV Werder Bremen.
(Kosova Sot Online )
