Lexoni edhe:
Ftesë Publike: Bëhu njëherë burrë dhe eja në gjykatë të të tregoj unë se kush je ti Behgjet Pacolli!
Zëvendësministrja e sportit e dënon dhunën në finalen e Superkupës, s’e përjashton ndalimin e tifozëve në palestra
Zëvendës-ministrja e Sportit, Daulina Osmani e ka dënuar fuqishëm dhunën e shfaqur mbrëmë në tribuna në finale të Superkupës së Kosovës në basketboll, transmeton "Kosova Sot Online ".
Ajo i konsideroi si të papranueshëm incidentet që ndodhën në Suharekë në ndeshjen Trepça – Peja, me ç’rast u lëndua edhe gazetarja sportive, Ulpiana Emra.
Ndër të tjera, Osmani ka paralajmëruar se njëri prej vendimeve mund të jetë edhe ndalimi i prezencës së tifozëve nëpër palestra për shkak të dhunës që po e shfaqin.
Ata që po i shkaktojnë këto probleme, shton ajo, duhet të japin përgjegjësi pranë organeve të rendit.
Ndeshja mes Trepçës dhe Pejës u ndërpre për një kohë derisa tifozët mitrovicas u larguan nga palestra, ndërsa në fund të takimit, duke dalë nga palestra incidente shkaktuan edhe tifozët e mllefosur dhe të mërzitur pejanë.
Më poshtë mund ta lexoni postimin e zëvendës-ministres së sportit, Daulina Osmani:
Sulmi i sotëm në gazetaren sportive, Ulpiana Emra, është e papranueshme të justifikohet në emër të mbështetjes së ekipeve të zemrës. Gjuha dhe sjellja e urrejtjes nuk duhet të gjejnë vend në sportin tonë.
Federata e Basketbollit të Kosovës duhet të ndërmarr masa të rrepta për parandalimin e përsëritjes së situatave të tilla. Nëse përgjigjja është ndalimi i tifozëve në palestra sportive, atëherë do të obligohemi të ndërmarrim diçka të tillë për këtë sezon të re në basketboll.
Duhet të kuptojmë, se sjelljet e tilla po e dëmtojnë imazhin e sportit si përbrenda vendit, po aq dhe jashtë vendit. Nuk ka asnjë fitues në këtë mes. Ndërsa dëmi është i përbashkët. Për këtë, ata që janë përgjegjës duhet të japin përgjegjësi pranë organeve të rendit.
(Kosova Sot Online )
