Reagon eurodeputeti gjerman pasi Serbia dhe Gjokoviq u futen me këngë të pushimit të Kosovës në ndeshjen e Davis Cup

Eurodeputeti gjerman Reinhard Butikofer ka reaguar pasi ekipi serb në turneun e tenisit Davis Cup të enjten u fut me këngë fashiste që flet për Kosovën, transmeton "Kosova Sot Online ".

Serbia në çerekfinale po përballet me Britaninë e Madhe. 

Lexoni edhe:

Rashica "pensionohet" për dy javë, pas lëndimit që e pësoi në stërvitje me Kosovën

Kënga “Gëzo popull serb” ndër të tjera thotë “le të valojë flamuri i Serbisë nga Prizreni deri në Rumi”.

“Jo nuk duhet ta marrim seriozisht propagandën ultranacionaliste serbe. Po, sanksionimi i Kosovës dhe qetësimi i Serbisë është një strategji madhështore. – Apo mos është e gjitha kjo ndoshta e gabuar?” – ka shkruar Butikofer në platformën “X”.

Po ashtu ka reaguar edhe politologu malazias Ljubomir Filipoviq.

“Gjokoviq vazhdon të promovojë agjendën e tij nacionaliste ruso-serbe! Davis Cup ju duhet të turpëroheni. Turp të keni. Keni shfaqur një këngë nacionaliste që bën thirrje për aneksimin serb të Malit të zi dhe Kosovës!” – ka shkruar Filipoviq.

(Kosova Sot Online )