Lexoni edhe:
Trajneri Moreno do t’i japë përgjigje sot Kosovës
Sonte do të kompletohet e teta e finales së Championsit, këto janë matematikat e kualifikimit
Sonte do të kompletohet e teta e finales së Ligës së Kampionëve. Krejt vëmendja sonte do të jetë e fokusuar tek grupet F dhe H, ku mbeten të hapura mundësitë e kualifikimit, në xhiron e fundit të fazës së grupeve, transmeton "Kosova Sot Online"
Në Grupin F, Borussia Dortmundi e ka siguruar kualifikimin, kurse për vendin e dytë po luftojnë tri skuadra, Paris Saint-Germaini me 7 pikë dhe Newcastle e Milani me nga 5.
Parisienët e shohin veten më afër kualifikimit, në krahasim me dy përcjellësit.
Dortmundi do të përfundojë në vendin e parë në grup nëse e shmang humbjen nga Parisi.
Ndërkohë, PSG-ja do të shkojë në të tetën e finales si fitues i grupit nëse e mposht sonte Dortmundin.
Parisienët do të përfundojnë të dytit në grup nëse barazojnë sonte dhe nëse Newcastle nuk e mposht Milanin.
Gjithashtu, PSG-ja mund të kalojë tutje edhe nëse mposhtet në Gjermani, por ndërkohë ndeshja Newcastle – Milan duhet të përfundojë baras.
Në të kundërtën, francezët do të përfundojnë në vendin e tretë dhe të përfundojnë në Ligën e Evropës.
Ndërkohë, Newcastle do të shkojë në të tetën e finales përmes vendit të dytë nëse e mposhtin Milanin dhe nëse PSG-ja nuk fiton kundër Dortmundit.
Newcastle do të përfundojë në vendin e tretë dhe do të luajë në Europa League nëse Bardhezinjtë dhe PSG-ja fitojnë sonte, ose edhe me një barazim eventual të Newcastlet ndaj “Rossoneri”.
Milani, nga ana e tij, i ka punët më së keqi.
Kuqezinjtë mund të shkojnë në fazën tjetër përmes vendit të dytë nëse e mundin ekipin e Premierligës sonte dhe nëse PSG-ja mposhtet nga Dortmundi.
Milani do të përfundojë në vendin e tretë dhe do t’i vazhdojë garat në Europa League nëse fiton sonte në Angli dhe nëse PSG-ja i shmanget humbjes në Gjermani.
Ndërkaq, në Grupin H, Barcelona e ka siguruar kualifikimin në të tetën e finales.
“Blaugrana” do të përfundojnë si liderë të grupit nëse e shmangin humbjen ndaj Antwerpit ose nëse Shakhtari nuk e mposht Porton sonte.
Nëse Barcelona humb dhe Shakhtari fiton, vendi i parë do të vendoset nga diferenca e golave, më pas golat e shënuar, e më pas golat më të shumtë të shënuar në udhëtim.
Porto do të shkojë në të tetën e finales përmes vendit të dytë nëse e shmang humbjen nga Shakhtari.
Ukrainasit ndërkohë do të kualifikohen nëse e mundin ekipin portugez.
Shakhtari madje mund të përfundojë edhe në vendin e parë nëse fiton sonte dhe nëse Barcelona humb.
Më pas, renditja finale do të vendosej përmes goldallimit.
Antwerpi i Arbnor Mujës i ka humbur gjasat tashmë dhe do të përfundojë në vendin e katërt.
Në Grupin E, Atletico Madridi dhe Lazio e kanë siguruar kualifikimin dhe sonte do të përcaktohen vetëm vendi i parë dhe i dytë, kurse Feyenoordi do të luajë në Ligën e Evropës.
Kurse, në Grupin G, Manchester City dhe Leipzigu kanë përparuar tutje.
Ndërsa, Young Boys do të luajë në Ligën e Evropës.
Pjesa dërrmuese e ndeshjeve të sontme do të nisin në orën 21:00.
(Kosova Sot Online )
