Lexoni edhe:
Të ndikuara nga politika, protestat e Policisë së Kosovës janë imazh i keq për shtetin
Kosovari Amir Rrahmani i vajton humbjet nga Interi, Reali e Juve, i lumtur me kualifikimin
Amir Rrahmani ndihet i lumtur me kualifikimin e Napolit në të tetën e finales së Ligës së Kampionëve, transmeton "Kosova Sot Online ".
Kampioni aktual i Italisë e mposhti Bragën me rezultat 2:0 për ta prerë një biletë për fazën eliminuese të garës më prestigjioze të futbollit evropian.
Futbollisti kosovar e ka komentuar fitoren dhe kualifikimin, por i ka përmendur edhe humbjet nga Real Madridi, Interi e Juventusi, që sipas tij s’është dashur të ndodhnin.
Ndër të tjera, përfaqësuesi kosovar e ka lavdëruar edhe trajnerin Walter Mazzarri, për të cilin, bëhet i sinqertë, duk thënë se nuk e kishte njohur para se të përfundonte në stadiumin “Diego Maradona”.
“I shënuam dy gola të shpejtë, të cilët na mundësuan të kryenim punë dhe ta kalonim këtë fazë. Sa herë që luajmë me një 11-she të zakonshme, bëhet sigurisht më e lehtë që ta njohim çdo komponent dhe se di duhet të luajmë. Kishte shumë ndeshje në të cilat kemi bërë shumë ndryshime, shkaku i lëndimeve, ndërsa tash duke luajtur më shumë së bashku, po ia dalim të njihemi më mirë. Braga i pati disa goditje në portë, është një skuadër që luan futboll të bukur, sikur ne, por fituam duke e bërë një paraqitje të mirë. Ishte mjaft e rëndësishme të fitonim dhe ta gjenim ndjenjën e bukur në shtëpi, për t’ua dhënë edhe tifozëve tanë një gëzim”, u shpreh fillimisht Rrahmani për “Sky Sport” pas lojës.
“Kishim kundërshtarë të fortë kohëve të fundit, përpos ndërrimit të trajnerit. Por, jemi të lumtur tash dhe duhet ta zbavitim publikun duke luajtur ashtu siç dimë ne”, vazhdoi ai.
“Mazzarri? Është një mastro i taktikës, është shumë i vëmendshëm për gjithçka që bëjmë dhe edhe për këtë jemi përmirësuar. Disa ndeshje që i kemi humbur na sollën rezultate false, siç ishin takimet me Real Madridin, Interin e Juventusin. Shpresojmë të vazhdojmë kështu, rruga është e gjatë. Ndërkohë, e kemi arritur një objektiv, që është kalimi i fazës së grupeve të Championsit”, përfundoi Rrahmani.
(Kosova Sot Online )
