Lexoni edhe:
Pique i rikthehet futbollit, tani vetëm si trajner
Legjenda e Arsenalit zbulon detaje nga jeta e tij private, flet edhe për traumën më të madhe që e ka përjetuar si lojtar
Thierry Henry, legjenda e Arsenalit dhe Francës, ka zbuluar se ka pasur probleme me shëndetin mendor gjatë karrierës së tij si lojtar. Ish-ylli i futbollit evropian dhe botëror, i cili gjithashtu luajti për Monacon, Juventusin, Barcelonën dhe NY Red Bulls, shtoi se beson se ka luftuar me depresionin që nga lindja, transmeton "Kosova Sot Online ".
Henry shënoi 228 gola dhe pati 103 asistime në 377 ndeshje për Arsenalin. Ai fitoi shtatë tituj, duke përfshirë dy për ekipin më të mirë të asaj kohe në Ligën Premier. Me 30 gola, ai e udhëhoqi skuadrën drejt një titulli historik në Angli, atë të sezonit 2003/04, në të cilin Arsenali fitoi titullin pa humbje.
Henry flet për traumën më të madhe që e ka përjetuar, madje e kishte edhe si lojtar. Ai gjithashtu luajti në finalet e Kupës UEFA dhe Ligën e Kampionëve me klubin londinez. Më vonë ai fitoi kompeticionin më prestigjioz evropian të futbollit për klube si lojtar i Barcelonës. Ai ishte pjesë e skuadrës së Barçës, për të cilën shumë thonë se ishte një nga skuadrat më të forta në botë. Në të, ai fitoi gjithsej shtatë tituj. Ka fituar kampionatin evropian me Francën dhe ka medalje të arta dhe argjendi në kampionatin botëror. “Unë mendoj se kam luftuar me depresionin që nga lindja. A e dija për të? Jo. A bëra ndonjë gjë për të? Jo. Unë thjesht u përshtata me të në një farë mënyre”, deklaroi ai dhe theksoi se ishte veçanërisht e vështirë për atë si trajner i Montrealit gjatë pandemisë së coronavirusit”.
“Isha i izoluar. Gjëja vërtet e vështirë ishte se nuk munda t’i shihja fëmijët e mi për një vit. Kam qarë. Nuk e dija pse po qaja, por qava për një kohë të gjatë”.
Henry shtoi se që nga hera e parë që hyri në fushë, ai punoi pa pushim dhe nuk u ndal kurrë dhe shikoi se çfarë kishte bërë. Dëgjonte vetëm kritika, kurrë lavdërime për të gjitha të mirat që bëri. Kur mundi të ndalonte për herë të parë në jetën e tij, gjatë pandemisë që e mbylli në Kanada, ai kuptoi se mund të luftonte me depresionin. Pasi mundi të kthehej në shtëpi pranë familjes së tij, ai mori një këndvështrim tjetër për situatën. Në momentin që do të kthehej në Montreal, ai u qetësua nga fëmijët dhe bashkëshortja e tij.
“Për herë të parë mendova se dikush më shihte si person, jo si futbollist. Ndjeva se jam burrë, se ata e duan Thierryn, jo Thierry Henryn”, përfundoi ai.
"Kosova Sot Online )
