Lexoni edhe:
Transferimi më i madh në historinë e futbollit dyshohet për skandal, Ministria e Financave në Francës kontrollohet nga autoritetet
Arbër Zeneli e shkëput kontratën me Adana Demirsporin
Arbër Zeneli nuk është më futbollist i Adana Demirsporit.Klubi turk ka njoftuar sot se e ka mbyllur bashkëpunimin me futbollistin kosovar, transmeton "Kosova Sot Online ".
“Adana Demirspor e ka njoftuar Federatën Turke të Futbollit se kontrata e Arbër Zenelit është mbyllur”, njofton mediumi turk “Sporx”. Në bazë të informatave të mediave turke, ishte futbollisti kosovar ai që e ka kërkuar shkëputjen e kontratës.
Së fundmi nga Adana Demirspori janë larguar edhe disa futbollistë.
Përfaqësuesi kosovar kishte nënshkruar kontratë trevjeçare me klubin nga Superliga turke në shtator të vitit të kaluar, por nuk ia doli t’i shfaqte vlerat e tij.
Që prej lëndimit të rëndë që e kishte pësuar derisa ishte pjesë e Reimsit, 28 vjeçari nuk ka arritur më kurrë të kthehej në kohërat e tij të lavdishme.
Mbetet të shihet nëse futbollisti ofanziv do të gjejë angazhim të ri në afatin kalimtar të janarit.
(Kosova Sot Online )
