Chelsea i kërkon rreth 60 milionë euro për Brojën
Chelsea i kërkon rreth 60 milionë euro për Brojën
Armando Broja do të largohet gjithsesi nga Chelsea në afatin kalimtar të janarit.
Sulmuesi shqiptar nuk ka arritur t’i shfaq vlerat e tij në Londër dhe për këtë, ai i ka bërë valixhet gati.
Klubet e Premierligës ia kanë vënë syrin përfaqësuesit shqiptar.
Por, klubet që e duan lojtarin siç janë Wolverhamptoni, Fulhami dhe West Ham United duket të shpenzojnë shumë para për të.
Sipas mediumit britanik “The Telegraph”, “Blues” po i kërkojnë 50 milionë funte, respektivisht 58 milionë euro për kartonin e futbollistit.
Natyrisht, këtyre klubeve do t’ju konvenonte më shumë që ta marrin në formë huazimi lojtarin, por Chelsea e ka ndërmend ta shesë përfundimisht kartonin e tij.
Në 17 ndeshje të luajtura këtë edicion, Broja ka shënuar dy gola dhe ka bërë një asistim në të gjitha garat.
22-vjeçari ka kontratë me Chelsean deri në vitin 2028, ndërsa kartoni i tij vlerësohet mbi 20 milionë euro.
(Kosova Sot Online)