Ngritja e madhe e Calhanoglut, turku tash vlen 60 milionë euro
Hakan Calhanoglu është bërë një xhevahir i ri i Interit.
Mesfushor gjithnjë e më i kompletuar, futbollisti turk është gjithnjë e më shumë në qendër të lojës së trajnerit Simone Inzaghi.
Në derbin e suksesshëm të Italisë kundër Juventusit, futbollisti turk e mbuloi një zonë prej afro 61,5 metrash, duke demonstruar se tashmë është një lojtar i krejt fushës, gjithnjë e më i rëndësishëm në lojën e “Nerazzurri”.
I rëndësishëm në manovrat ofanzive të skuadrës, vendimtar në zonën gol, shkruan “Gazeta Express”.
Numri 20 Zikaltër në fakt e kaloi numrin dyshifror në fazën e realizimeve.
I ka realizuar tashmë 11 gola në këtë sezon në 27 ndeshje të zhvilluara mes kampionatit, Ligës së Kampionëve dhe Superkupës italiane.
Një qartësi, një lojtar që është futur në zemrat e tifozëve.
Shefi ekzekutiv i klubit, Beppe Marotta e ka bërë një goditje të madhe pasi arriti t’ia merrte Milanit lojtarin “gratis” në verën e vitit 2021.
Tash, vlera e përfaqësuesit turk është rritur dukshëm.
Siç raporton mediumi italian “La Gazzetta dello Sport”, në një analizë që i është bërë pikërisht lojtarit, mesfushori ofanziv tash vlen 60 milionë euro.
(Kosova Sot Online)