Lexoni edhe:
Ndoshta as Muhammad Ali! Ky është boksieri që po drithëron shikuesit me talentin dhe forcën e tij
“Erdhi shumë i dehur në shtëpi”, gruaja e Dani Alves zbulon detaje interesante në seancën gjyqësore
Dita e dytë e gjyqit të Dani Alvesit për akuzën ndaj tij të dyshuar për përdhunim u zhvillua ditën e sotme, transmeton "Kosova Sot Online".
Gruaja e Alves, Joana Sanz, dëshmoi këtë të martë dhe tregoi vendndodhjen e saj gjatë periudhës në të cilën dyshohet se ka ndodhur rasti, më 30 dhjetor 2022.
Sipas “Sport”, Sanz – e cila aktualisht është e ndarë nga ish-mbrojtësi i Barcelonës dhe Sevillas – zbuloi bisedat që ajo kishte me të në ditën e incidentit të supozuar dhe gjithashtu vuri në dukje gjendjen në të cilën ndodhej kur u kthye në shtëpi në orët e para të mëngjesit.
“Në WhatsApp e pyeta nëse do të vinte për darkë dhe ai më tha jo. Më vonë, nuk më kujtohet”, tha ajo.
“Ai erdhi në shtëpi shumë i dehur, me erë alkooli. Ai u përplas në dollap dhe u rrëzua në krevat. Në gjendjen në të cilën ai mbërriti në shtëpi, mendova se do të ishte më mirë ta lija deri kur të zgjohej”, deklaroi Sanz.
Marrëdhënia e Sanz me Alves ka qenë temë e shumë spekulimeve që kur braziliani u arrestua në janar të vitit 2023. Raportet thonë se janë depozituar letra divorci, megjithëse Sanz e mohoi këtë gjatë dëshmisë së saj, duke deklaruar: “Unë nuk kam kërkuar ligjërisht divorc”.
Alves vazhdon të qëndrojë i pafajshëm për akuzat kundër tij dhe nesër (e mërkurë) ai do të deklarohet për versionin e tij rreth ngjarjes në fjalë.
(Kosova Sot Online )
