Lexoni edhe:
Kuvendi seancë solemene e Qeveria mbledhje festive për 16 vjetorin e Pavarësisë
Franco Foda me shumë gjasë do të vijë me ekip të tij te Kombëtarja e Kosovës
Përzgjedhësi i ri i Kosovës, Franco Foda, do të prezantohet edhe zyrtarisht sot.
Federata e Futbollit e Kosovës (FFK) njoftoi se përzgjedhësi i ri i “Dardanëve” do të prezantohet sot, ditë e shtunë,transmeton "Kosova Sot Online".
FFK-ja bëri të ditur se përzgjedhësi i ri do të prezantohet në ora 14:00.
Por, që tani ka nisur të bëhet pyetja nëse Foda do të vije i vetëm të Kosova apo me stafin e tij.
Siç ka mësuar “Gazeta Express” dhe emisioni sportiv “Favorit”, trajneri gjerman nuk do të vije i vetëm – por, me një staf të tij.
Nuk ka rëndësi nëse stafi i Fodas do të prezantohet bashkë me të ditën e nesërme apo më vonë, por ajo që do të ndodhë është se ish-përzgjedhësi i Austrisë do të punojë me bashkëpunëtorë të tij, të zgjedhur nga vet ai.
Në të kaluarën gjithnjë trajnerët e Kosovës vinin thuajse të vetëm, me FFK-në që pastaj bënte përzgjedhjen e pjesës tjetër të stafit teknik.
Timonieri i fundit te Kosova ishte Primoz Gliha. Slloveni kishte në staf Afrim Tovërlanin, Arbnor Morinën dhe Ahmet Beselicën.
Tani, siç duket, Tovërlani do të fokusohet vetëm në punën e tij si përzgjedhës te Kosova U21, kurse Morina te U17.
(Kosova Sot Online )
