![“Para syve të gjithë botës, të gatshëm e krenarë” – Albin Kurti fjalë të mëdha për ekipin olimpik të Kosovës](/uploads/kosova-sot/images/2024/July/27/200x200_IMG_57701722036153.png)
Barcelona po përgatit kontratën për Rabiotin
![Barcelona po përgatit kontratën për Rabiotin](/uploads/kosova-sot/images/2023/September/09/auto_adrien-rabiot-juventus-fc-celebrates-804319959-600x3601694247811.jpg)
Barcelona raportohet se është e gatshme t’i ofrojë Adrien Rabiotit një kontratë dyvjeçare.
Mesfushori mund t’i bashkohet Barçës si lojtar i lirë në verë, pasi kontrata e tij me Juventusin skadon në fund të qershorit.
Sipas gazetarit, Ekrem Konur, Barcelona po bën gati një kontratë dy-vjeçare për Rabiotin, me mundësi vazhdimi edhe për një vit më shumë.
Juventusi besohet se dëshiron ta mbajë francezin në Torino, andaj së shpejti do të zhvillojë bisedime me përfaqësuesit e tij, për të parë nëse do të mund të arrijnë një marrëveshje të re.
28-vjeçari ishte tashmë afër nënshkrimit me “Blaugranët” edhe në vitin 2019, por kjo nuk ndodhi dhe ai nënshkroi për “Zonjën e Vjetër”, duke kaluar në “Allianz Stadium” si lojtar i lirë nga Paris Saint-Germaini.
Ai ka shënuar 21 gola në 200 paraqitje me “Bianconerët”.
Përveç Barcelonës, të interesuar për shërbimet e Adrien Rabiotit raportohet se janë edhe Interi, Manchester United, Arsenali, Newcastle United e Bayern Munichi.
(Kosova Sot Online)