![“Para syve të gjithë botës, të gatshëm e krenarë” – Albin Kurti fjalë të mëdha për ekipin olimpik të Kosovës](/uploads/kosova-sot/images/2024/July/27/200x200_IMG_57701722036153.png)
Bayern Munichi ka bërë një tjetër hap prapa
![Bayern Munichi ka bërë një tjetër hap prapa](/uploads/kosova-sot/images/2023/September/20/auto_Harry-Kane-Bayern-1-1130x6351695201024.jpg)
Bayern Munichi ka bërë një tjetër hap prapa në garën për titullin e kampionit në Gjermani.
Skuadra e drejtuar nga Thomas Tuchel nuk arriti më shumë se një barazim sonte ndaj Freiburgut, në ndeshjen e vlefshme për javën e 24-t në Bundesliga.
Ndeshja e zhvilluar në “Europa-Park Stadion” përfundoi me rezultatin 2:2.
Christian Gunter (12′) dhe Lucas Holer (87′) shënuan golat për vendasit.
Ndërkaq, për “Bavarezët” golat u shënuan nga Mathys Tel (35′) dhe Jamal Musiala (75′).
Bayerni pas këtij barazimi ka 54 pikë në pozitën e dytë në tabelë, tani shtatë pikë prapa liderit, Bayer Leverkuseni. Por, Leverkuseni tani ka një ndeshje më pak.
Freiburgu ka 30 pikë dhe ndodhet në pozitën e nëntë.
(Kosova Sot Online)