Bayerni kalon në çerekfinale të Ligës së Kampionëve
Bayern Munichi ka përmbysur rezultatin nga ndeshja e parë, për t’u kualifikuar në çerekfinale të Ligës së Kampionëve.
Në ndeshjen e kthimit të vlefshme për 1/8 e finales, skuadra e drejtuar Thomas Tuchel tregoi fytyrë krejtësisht tjetër dhe eliminoi pa problem Lazion
Përballja e sontme në “Allianz Arena” përfundoi me rezultatin 3:0, me Bayernin që tutje kalon me rezultat të përgjithshëm 3:1.
Harry Kane (38’, 66’) dhe Thomas Muller (45+2’) realizuan golat e fitores për “Bavarezët”.
Lazio nuk është se rrezikoi shumë, teksa rastin më të mirë e regjistroi në pjesën e parë me Ciro Immobile, i cili dështoi të shënonte me kokë nga afërsia.
Te lacialët minuta sonte nuk pati për reprezentuesin shqiptar, Elseid Hysaj.
Bayern Munichi kundërshtarin e ardhshëm do ta mësojë pas tërheqjes së shortit.
(Kosova Sot Online)