Lexoni edhe:
Zbulohet ardhmja e Lewandowskit, futbollisti polak jep lajmin e fundit
Sot zhvillohet përballja vendimtare për vendin e parë në Suharekë mes Ballkanit dhe Llapit, Liria pret Malishevën
Superliga e Kosovës rikthehet në aksion pas ndeshjeve të mesjavës, tani zhvillohet xhiro e 26-të.
Ndeshja kryesore e kësaj xhiro do të zhvillohet në Suharekë, ku lideri aktual Ballkani do të përballet me Llapin e pozitës së dytë. Ballkani është nikoqir i llapjanëve dhe pritet një ndeshje fantastike në stadiumin e qytetit në Suharekë, transmeton "Kosova Sot Online".
Dy skuadrat në këtë sfidë vijnë pas humbjeve, ku kampioni u mposht në udhëtim te Fushë Kosova 2-0, derisa Llapi pësoi nga Malisheva 2-1. Diferenca është vetëm një pikë në të mirë të Ballkanit që kryeson me 51 sosh, derisa Drita ndodhet e treta me 49 pikë.
Kjo është përballja e tretë këtë edicion mes dy skuadrave ku Ballkani ka një fitore 2-1 dhe Llapi një tjetër 5-3.
Ndeshja tjetër e ditës së sotme do të zhvillohet disa kilometra larg Suharekës, më saktësisht në stadiumin ‘Përparim Thaqi’ në Prizren. Liria e fundit në tabelë dhe me gjasa minimale për shpëtim pret Malishevën që po kërkon daljen në Evropë. Të dyja sfidat e ditës së sotme në elitën e futbollit kosovar fillojnë nga ora 13:00.
(Kosova Sot Online )
