Luis Rubiales arrestohet si pjesë e një hetimi për korrupsion

Luis Rubiales, ish-presidenti i Federatës Spanjolle të Futbollit (RFEF), u arrestua të mërkurën si pjesë e një hetimi për korrupsion.

Ai u lirua menjëherë pasi u ndalua me mbërritjen në Madrid nga Republika Domenikane.

Ai dyshohet se ka marrë komisione të paligjshme kur negocionte një marrëveshje fitimprurëse për të organizuar kompeticionin e Superkupës së Spanjës në Arabinë Saudite.

Prokurorët kërkojnë një dënim prej dy vjet e gjysmë burg.

Rubiales mohon çdo keqbërje.

Pasi zbriti nga avioni, ai u fut në një furgon të zi me disa pjesëtarë të Gardës Civile. Ai u lirua menjëherë më pas.

Transmetuesi publik spanjoll RTVE raporton se Rubiales mund të paraqitet në gjykatë të enjten.

Rubiales ishte në Republikën Domenikane kur policia kontrolloi shtëpinë e tij muajin e kaluar.

Ata kontrolluan edhe selinë e federatës së futbollit dhe bënë disa arrestime.

(Kosova Sot Online)