Koeman e sqaron të ardhmen si trajner i Holandës, pasi gruaja e tij u diagnostifikua me kancer

Ronald Koeman ka konfirmuar të ardhmen e tij për menaxhimin e Holandës dhe ka insistuar se nuk do të dorëzohet për shkak të diagnostifikimit me kancer të gruas së tij.

Holandezi po kalon një periudhë të dytë të suksesshme si trajner i kombëtares, pasi ka udhëhequr Holandën drejt gjysmëfinales së Euro 2024, ku sonte përballet me Anglinë.

Para fillimit të turneut në muajin e kaluar, gruaja e Koemanit, Bartina, u diagnostikua me kancer të gjirit, pasi ajo kishte mundur së pari këtë sëmundje dhjetë vjet më parë.

Ajo tregoi se nuk i kishte kërkuar kurrë burrit të saj të qëndronte në shtëpi dhe të mos merrte pjesë në turneun në Gjermani.

“Shëndeti i gruas sime është në rregull. Ajo po merr trajtime, por kjo nuk është arsye për të ndalur të jem trajner”, deklaroi Koeman.

(Kosova St Online)