Courtois i zbulon sekretet e Ancelottit

Thibaut Courtois e ka çuar në qiell trajnerin Carlo Ancelotti, me të cilin e fitoi dy herë trofeun e Ligës së Kampionëve dhe një herë Botërorin e Klubeve.

Portieri belg e ka shpjeguar në detaje se cili është sekreti i trajnerit të Real Madridit.

“Po flasim mbi të gjitha për një person të shkëlqyeshëm, për një personalitet të madh dhe për një trajner të madh. E gjen ekuilibrin e duhur në mes të dhënies liri në fushë dhe të thënit të taktikës që e do”, deklaroi fillimisht Courtois për uebfaqen zyrtare të UEFA-s.

“Nuk flet vetëm për taktikën, por iu jep shumë liri lojtarëve tanë si Vinicius, Rodrygo e Modric. Ai e di se janë lojtarë që kanë nevojë për gjenialitetin e tyre natyral, që nuk mund të bllokohen me shumë taktik. Ai e di se karakteri i tyre duhet të dalë në pah. E menaxhon mjaft mirë dhomën e zhveshjes dhe edhe stërvitjet”, shprehet tutje ish-portieri i Atletico Madridit e Chelseat.

“Punojmë fort, por edhe qeshim shumë. Jemi zbavitur në këto vite. Punojmë fort, por kjo na është shpaguar. Unë ia dua të mirën trajnerit, dua ta shoh mirë. Mendoj se është njëri prej trajnerëve më të mirë i të gjithë kohëve”, përfundoi Courtois. 

(Kosova Sot Online)