Roque flet për kohën e tij tek Barcelona

Ish-futbollisti i Barcelonës, Vitor Roque ka folur rreth kohës së tij sa ka qenë pjesë e skuadrës së “Blaugranave”.

Braziliani është transferuar këtë verë  tek skuadra e Real Betisit.

19-vjeçari tha se koha e tij tek katalanasit ka qenë e komplikuar.

“Koha ime te Barça? Ishte pak e komplikuar për mua. Kur mbërrita pata disa mundësi, por jo ashtu siç prisja, por koka ime është e qetë”, tha Roque.

Tutje, futbollisti më i ri i Betisit, theksoi se tani është i fokusuar vetëm tek skuadra e re.

“Jam i fokusuar në punën time me Betisin”, theksoi ai.

Ai për fund tha se është falenderues që i erdhi sërish mundësia për të përfaqësuar kombëtaren e Brazilit.

“Falënderoj Zotin për mundësinë që të vesh edhe një herë fanellën e Seleção”, përfundoi futbollisti brazilian.

Roque këtë sezon është paraqitur vetëm në një ndeshje për Betisin.

(Kosova Sot Online)