Edon Zhegrova me një postim për takimin me Del Pieron

Edon Zhegrova ishte protagonist i ditës dje për shkak të transferimit të tij në Juventus.

Ylli kosovar e pati një ditë mjaft të ngjeshur, e cila nisi me mbërritjen në Torino, me takimin me tifozët, vizitat mjekësore, nënshkrimi i kontratës dhe prezantimi në klubin e ri.

E gjatë vizitave mjekësore në “J Medical”, 26-vjeçari u takua me legjendën italiane të klubit Bardhezi, Alessandro Del Piero, me të cilin e bëri edhe një foto.

Kësaj fotoje futbollisti i deridjeshëm i Lillet ia përcolli edhe një mbishkrim:

“Alessandro Del Piero, çfarë legjende. Ishte kënaqësi e madhe të të takoja”, shkroi ish-futbollisti i Baselit. 

(Kosova Sot Online)