Barcelona dhe Bayerni e duan Gvardiolin

Në javët e fundit, mbrojtësi i Manchester Cityt, Josko Gvardiol, është lidhur me disa klube të mëdha evropiane, mes tyre Barcelona dhe Bayern Munich.

Megjithatë, i pyetur për të ardhmen e tij në Manchester City, kroati 24-vjeçar i ka minimizuar zërat për transferim.

Gjatë një konference për shtyp me mediat kroate, Gvardiol deklaroi:

“Të gjithë i kemi parë spekulimet që qarkullojnë kudo. Por unë jam i lumtur këtu te klubi dhe kam gjithçka që më duhet. Para lëndimit luaja në çdo ndeshje, pothuajse gjithmonë për 90 minuta. Pas Botërorit do të shohim se çfarë do të ndodhë.”

Me këto fjalë, ai la të kuptohet se aktualisht ndihet mirë te Manchester City, por nuk e përjashtoi plotësisht mundësinë që ta shqyrtojë të ardhmen e tij pas përfundimit të Botërorit.

Interesim për të kanë shfaqur Barcelona, Bayern Munich dhe edhe Real Madrid CF.

Pra, Gvardiol është i lumtur te Man City, por vendimi për të ardhmen do të merret pas Botërorit.

(Kosova Sot Online)