INTERVISTË ME KËNGËTAREN VJOLLCA BUQAJ: 'Mikesha të vërteta, janë ato që kam raporte të sinqerta'

Vjollca Buqaj është këngëtare e njohur e muzikës popullore shqipe, e cila i ka qëndruar besnike këtij zhanri që nga fillimet e saj. Dikur Vjollca ishte anëtare në Ansamblin "Azem Bejta", ku hapat e parë të saj ishin me muzikë folklorike. Në vitin 2011, ajo merr pjesë në festivalin "Fest Nota e Artë', me këngën "Ta fala rininë", për të vazhduar pastaj edhe me publikimin e një sërë këngësh të suksesshme si:"Më tradhtove", "Pa ty", "Këndojmë për gra" në bashkëpunim me këngëtaren Violeta Kajtazin e shumë të tjera. Vjollca Buqaj ndër vite i ka kënduar dashurisë, heroizmit e gëzimeve familjare, një gjë që e karakterizon atë është ëmbëlsia që transmeton dhe bën të dashur për publikun.Në një intervistë, për "Kosova Sot", ajo rrëfen, shumë gjëra, të cilat mund t'i lexoni në vazhdim.

"Kosova Sot":Sapo keni publikuar këngën më të re "Zanin me ta ni", kush janë autorët, dhe sa jeni ndarë e kënaqur ju me këtë finalizim?

Vjollca Buçaj: Kënga ,"Zanin me ta ni", është projekti më i ri që e kam lansuar, ka diku rreth dymbëdhjetë ditë dhe autor i kësaj kënge është Alban Furtuna. Unë jam ndarë e kënaqur, por fjalën e fundit gjithmonë e japin ata që na mbajnë, e që janë publiku.

"Kosova Sot":Rikthehemi në kohë, si ishin hapat e parë të Vjollcës në muzikën popullore?

Vjollca Buçaj: Hapat e parë të karrierës sime ishin me plot këngë, festivale, shpërblime dhe koncerte...

"Kosova Sot": Cilat janë tri këngët e tua, që kanë lënë gjurmë në muzikën shqipe?

Vjollca Buçaj: Këngët që lanë gjurmë, ka shumë, por ato që sot e kësaj dite këndohen dhe pëlqehen janë:"Vaji i nuses", "Lutje s'ka", dhe "Nuse, moj nuse".

"Kosova Sot":Si është një ditë nga përditshmëria e Vjollca Buqajt?

Vjollca Buçaj: Një përditshmëri e imja është rutinore me punë, me drekë me ndonjë kafe, me mikeshat e mia, dhe pushim me fëmijët e mi.

"Kosova Sot":Qyteti, apo vendi ku ju relakson dhe do ktheheshit me dëshirë?

Vjollca Buçaj: Një ndër qytetet e Kosovës që më pëlqen është Prizreni, ndërsa ai që kthehem me dëshirë është Prishtina, sepse këtu kalova fëmijërinë, shkollimin punën dhe aty e kam familjen time që më jep ngrohtësinë maksimale.

"Kosova Sot": Sa ke miqësi me kolege, dhe cilat për ty janë mikeshat e vërteta?

Vjollca Buçaj: Mendoj që pasuri e jetës është edhe miqësia ku kam mjaft prej tyre, dhe mikesha të vërteta janë ato që kam raporte të sinqerta.

"Kosova Sot":Cilat janë projektet muzikore që ke në plan t'i lansosh gjatë muajve në vijim?

Vjollca Buçaj:Pasi përfundova këngën e fundit, menjëherë do ta bëj një baladë, e cila uroj të mirëpritet nga publiku.

"Kosova Sot":Për fund, cili është mesazhi i Vjollcës për jetën?

Vjollca Buçaj: Mesazhi im është:Mbushni ditët e jetës me jetë, sepse jeta njëherë jetohet dhe ta bëjmë atë të lumtur.

 

Intervistoi:Armend Preteni

(Kosova Sot)