Lexoni edhe:
Sinan Vllasaliu falënderon mjekët për përkujdesjen: Mirënjohës përherë
'Dirty Blonde' vjen nga Bebe Rexha
Bebe Rexha, ka publikuar albumin e saj më të ri të titulluar “Dirty Blonde”, i cili tashmë është i disponueshëm në platformat muzikore në mbarë botën, transmeton gazeta "Kosova Sot Online".
Albumi përmban gjithsej 13 këngë dhe është publikuar në shërbime të ndryshme të transmetimit, përfshirë Spotify, duke u bërë menjëherë i qasshëm për fansat e saj ndërkombëtarë.
Gjatë muajve të fundit, disa nga këngët e albumit ishin publikuar veç e veç, duke krijuar pritshmëri të lartë për projektin final dhe duke mbajtur publikun të angazhuar me publikime të vazhdueshme.
Një nga këngët e veçuara është “Çike Çike”, e cila ka tërhequr vëmendje të veçantë për përfshirjen e elementeve në gjuhën shqipe, duke reflektuar lidhjen e artistes me rrënjët e saj dhe kulturën shqiptare.
Fansat e Bebe Rexhës në mbarë botën e kanë pritur me entuziazëm albumin e ri, duke vlerësuar stilin e saj unik muzikor dhe suksesin e vazhdueshëm në skenën ndërkombëtare.
(Kosova Sot Online)
