Sa e pasur është Rita Ora?
Rita Ora fitoi pasuri 20 milionë funtash, ‘pavarësisht se mezi këndoi ndonjë notë këto ditë’.
Ajo vështirë se këndon ndonjë notë muzikore këto ditë, por Rita Ora është në rrugën e duhur për t’u bërë një nga yjet më të pasura të pop-it në botë, shkruan The Sun.
Me vetëm dy albume, dhjetë hitet e fundit të Ritës erdhën më 2018 me “Let You Love Me”, megjithatë 29-vjeçarja ka grumbulluar një pasuri të vlerësuar prej 20 milionë funtash.
Jo keq për një grua, familja e së cilës iku nga Jugosllavia e shkatërruar nga lufta për një banesë të ngushtë, me një shtrat në Londrën Perëndimore kur ajo ishte fëmijë.
Rita, e cila ka marrë top-10 nga çdo artiste britanike solo dhe ka 16 milionë ndjekës në Instagram, bëri famë në adoleshencë dhe së shpejti e kuptoi se mund të bënte më shumë para përmes kampanjave fitimprurëse reklamuese sesa nga muzika e saj.
Një burim i kësaj industrie tha: “Rita ka prekjen magjike kur bëhet fjalë për tërheqjen popullore – ajo është seksi, argëtuese dhe e këndshme. Nuk janë vetëm fansat e saj të muzikës që e ndjekin, por edhe njerëzit që nuk do të dëgjonin këngët e saj”.
“Ajo ka pamje model pa pasur ato masa që kanë disa modele. Reklamuesit e pëlqejnë këtë”, shtoi ai burim.
Dje u zbulua se Rita kishte nënshkruar edhe një marrëveshje tjetër të madhe, këtë herë me JD Sports, për të zhvilluar fushatën e saj të Krishtlindjes, duke i dhënë asaj një shumë prej gjashtë shifrash.
Si pjesë e fushatës, ajo u pa e veshur me “Adidas”, në një reklamë të dielën mbrëma në kohën kryesore të pushimit të episodit të parë të ITV, I’m A Celebrity, që tërhoqi shikueshmëri prej 12 milionë.
Ajo gjithashtu paraqiti fushatën e dytë gjatë të njëjtit pushim.
Rita ishte e veshur me një veshje prej ari teksa po performonte në një koncert në majë të një ndërtese në Londër, për të promovuar shërbimin 5G të EE, së bashku me aktorin e Hollywood-it, Kevin Bacon.
Këtë vit, Rita mbajti vendin e nëntë në Sunday Times Rich List për muzikantë të rinj, duke e ndarë atë me yllin Stormzy.
Që prej shfaqjes në këngën numër 1, Hot Right Now tetë vjet më parë, Rita ka fituar një reputacion si një nga gratë më punëtore në shoubiz, me tre kompani të krijuara për të mbikëqyrur pasurinë e saj.
Paratë e saj vijnë nga Rora Properties, Ora Multi Services dhe Ora Live, të cilat merren me performancën e saj, përfshirë turneun e saj botëror 2019-20. Këtë vit ajo u detyrua të anulonte takimin e fundit për shkak të pandemisë së koronavirusit.
Si dhe JD Sports dhe EE / Apple, Rita aktualisht po punon me edhe me ShoeDazzle, Prospero Tequila dhe Thomas Sabo.
Një nga marrëveshjet kryesore të saj të kaluara ishte një kontratë 30 milion funta me Pepsi më 2012.
Vitin pasues ajo nënshkroi një marrëveshje 500,000 funtash për të modeluar veshjet Material Girl të Madonnas, pasi u takua me të në Met Ball në Nju Jork. Ajo gjithashtu ka fituar më parë një fushatë prej 10 milionë funta për Coca-Cola, ndërsa një marrëveshje e bërë me markën sportive Adidas ishte me vlerë 1.5 milionë funta.
Shefja e DKNY Donna Karan, e cila nënshkroi me të për të qenë fytyra e aromës së shtëpisë së modës My NY për një marrëveshje tre-vjeçare prej 2.5 milionë funta më 2014, një herë tha: “Nëse Rita nuk mund ta shesë, nuk e di kush mundet. ”
Dhe besimi i saj ishte i justifikuar. Këngëtarja rriti shitjet e parfumeve të markës me 250 përqind. Rita gjithashtu ka pasur marrëveshje me Calvin Klein, Samsung, Marks & Spencer, Roberto Cavalli, Rimmel dhe firmën e të brendshmeve Tezenis në të kaluarën.
Vitin e kaluar ajo bashkëpunoi me një numër markash gjermane me pakicë, duke përfshirë Escada, Thomas Sabo dhe Deichmann.
Ndërsa, muzika është dashuria e saj e parë, pasi ka publikuar një këngë në fillim të këtij viti, ajo kishte mbajtur edhe disa koncerte televizive, madje punoi edhe si gjykatëse në ITX’s X Factor më 2015, ku fitoi 1.5 milionë funta.
Rita gjithashtu ishte nikoqire e America’s Next Top Model, ka qenë edhe trajnere në The Voice UK dhe ajo u shfaq si paneliste në ITV’s The Masked Singer në fillim të këtij viti. CV e saj e dukshme përfshin edhe aktrimin, duke u shfaqur në filmat Fifty Shades, ku fitoi 750,000 funta.
Rita ka investuar disa nga fitimet e saj në pronë. Vitin e kaluar u zbulua se ajo kishte blerë një rezidencë 1.5 milionëshe për prindërit e saj në vendlindjen e tyre në Kosovë, nga ku u larguan kur ishte pjesë e Jugosllavisë më 1991.
Rita ka thënë për shtëpinë e tyre të parë kur mbërritën në Angli si refugjatë: “Kishim një dhomë për të katër ne. Motra ime Elena më bezdiste duke bërë tryezat e saja kur përpiqesha të flija”.
Por Rita – e cila shfaqet në një version bamirësie në këngën We Are Family për të falënderuar stafin mjekësor që po punojnë mes pandemisë së koronavirusit – shton se pavarësisht nga vështirësitë e tyre, familja e saj ishte e vendosur të krijonte një jetë më të mirë për veten e tyre. Dhe duket, ajo po bën pikërisht atë.
(Kosova Sot Online)
