Rita Ora e merr bekimin e prindërve, pritet të fejohet këtë fundjavë

G.G /
21 December 2021 - 10:54

Rita Ora dhe Taika Waititi pritet të fejohen në Australi, gjatë festës së Krishtlindjeve.

Prindërit e këngëtares shqiptare, Besnik dhe Vera Sahatçiu thuhet se i kanë dhënë bekimin Ritës për tu fejuar me regjisorin e njohur, shkruan Daily Mail.

Rita së fundmi mbërriti në Australi me Taika për të filmuar sezonin e ri të The Voice. Pikërisht në Australi, ka ndodhur njoftimi dhe takimi i parë i tyre.

Taika ka qenë i martuar dhe ka dy fëmijë, ndërsa Rita ka patur disa lidhje, por nuk është fejuar asnjëherë.

Krishtlindjet e këtij viti pritet të jenë me fat për të dy dhe çifti në fjalë pritet të ndërrojë statusin.