‘Teta Gjyli’ tregon se si një burrë i kërkoi numrin e telefonit duke menduar se ishte femër

Osman Azemi është i njohur për shumë role humoristike, por një ndër më të spikaturat mbetet ai i ‘Tetës Gjyli’ nga seriali komik “Egjeli”.

Aktori i cili pas një bashkëpunimi 20 vjeçar me miqtë e tij Vedat Bajrami dhe Mensu Safqiu, i ndanë rrugët për të punuar në projekte të tyre individuale, ka treguar se roli e ‘Tetës Gjyli’ është ai prej të cilit më së shumti e identifikojnë njerëzit.

Azemi ka treguar një rast shumë interesant kur e kanë ngatërruar në komunikacion, duke menduar se është vërtet femër.

Kjo ka ndodhur kur atij i ishte dashur të shkonte në një emision mëngjesi i maskuar si ‘Teta Gjyli’ dhe gjatë kohës sa ishte duke shkuar me veturë në emision, duke pritur në semafora ai tregoi se një person nga vetura tjetër i kërkoi numrin e telefonit, duke menduar se ishte vërtet një femër në timon.

(Kosova Sot Online)