Izraeli pret me interesim dokumentarin gjerman mbi hebrenjtë e mbijetuar nga lufta
Një dokumentar gjerman mbi 14 të mbijetuar të Holokaustit nga qyteti Vroklav, në perëndim të Polonisë, ka ngjallur interes të madh në Izrael, ku brezi i ri ka reaguar fuqishëm, deklaruan në Tel Aviv regjisorët e filmit, Karin Kaper dhe Dirk Szuszies.
Filmi që titullohet "Wir sind Juden aus Breslau" ("Ne jemi hebrenj nga Vroklavi" - emri polak i Breslau), që prek edhe situatën aktuale në Poloni, do të shfaqet në kinematë e Tel Avivit, Jerusalemit, Haifa, Sderot dhe Kolon deri më 25 prill.
Në këtë film prezantohen 14 dëshmitarë okularë hebrenj, të cilët i mbijetuan terrorit nazist kur ishin të rinj, mes të cilëve edhe Anita Lasker Wallfisch, një prej të mbijetuarave të fundit nga Orkestra e Vajzave në Aushvic, e cila mbajti një fjalim në janar në Parlamentin gjerman.
(Kosova Sot)