Publikohet videoja e sulmit vdekjeprurës ndaj hendbollistit të njohur

Mediat në Maqedoni të Veriut dhe në Kroaci kanë publikuar videon nga kamerat e sigurisë në të cilën shihet sulmi fatal ndaj hendbollistit kroat Denis Tot, që vdiq të premten në spital në Shkup.

Убиството кое МВР и Ковачевски го кријаат pic.twitter.com/BunjthOoeI

— Реалниот (@Realniot21) April 11, 2022

Tot në mbrëmjen mes të mërkurës dhe të enjtes është pranuar në spital në Shkup, ndërsa raportimet e para ishin se nuk ka pasur lëndime të dukshme dhe se nuk bëhej fjalë për rrahje. Por zbulimet e mëvonshme kanë demantuar këtë, shkruan “gol.hr”.

Denis Tot është sulmuar dhe është rrahur para një klubi të natës në Shkup dhe tani për këtë ka edhe dëshmi me video. Në video shihet se si hendbollisti kroat goditet në kokë nga njëri prej sulmuesve dhe më pas mbeti shtrirë në asfalt. Ndonëse mbeti i palëvizshëm ai u godit disa herë të tjera nga të paktën dy burra dhe një grua. Madje ajo ishte më agresivja. Ky rast përfundoi me fatalitet. Mjekët për më shumë se 24 orë luftuan për ta mbajtur në jetë hendbollistin, ndërsa nga spitali fillimisht thanë se nuk bëhet fjalë për lëndime të dukshme dhe se kroati kishte pësuar sulm në zemër. Për këto deklarata në Maqedoni të Veriut janë duke u zhvilluar hetime. Tot do të varroset të martën në qytetin e tij të lindjes, Gjakovo. Autoritetet në Maqedoni V. kanë njoftuar për dy të arrestuar për sulmin.

(Kosova Sot Online)