Lexoni edhe:
Populli shqiptar, zgjohuni nga gjumi sepse je në rrezik nga pjella e jote e keqe!
Policia konfirmon: Një i plagosur në Dardani, i dyshuari i identifikuar në kërkim
Në lagjen Dardania të Prishtinës sot rreth orës 15 e 30 është plagosur një person me armë zjarri derisa Policia ka identifikuar një person si të dyshuar dhe është në kërkim të tij.
Lajmin e ka konfirmuar zëdhënësja e Policisë së Kosovës për rajonin e Prishtinës, FLORA AHMETI.
“Sot rreth orës 15:30, policia ka marrë informatën për një plagosje me arme zjarri në lagjen Dardania në Prishtinë.Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare, nga arma e zjarrit është pjagosur 1 person. I njëjti është dërguar për tretman mjekësor.
Lidhur me këtë rast policia ka identifikuar një person të dyshuar dhe është në kërkim të tij”, ka thënë Ahmeti.
(Kosova Sot Online)
