Lexoni edhe:
Trupa amerikane nga Garda Kombëtare e Michiganit nisen drejt Kosovës
MPB thotë se gazetarët nuk pengohen nga policia edhe pas orës 22 e 30
Asociacioni i Gazetarëve të Kosovës ka njoftuar se Ministria e Punëve të Brendshme ka rikonfirmuar se gazetarët dhe punonjësit tjerë të mediave nuk do të gjobiten nga policia edhe pas roës 22 e 30.
Kjo është bërë e ditur përmes një njoftimi për media nga AGK.
“Asociacioni i Gazetarëve të Kosovës ka pranuar shqetësime nga disa kolegë gazetarë se nga dita e enjte do të gjobiten njëjtë si qytetarët e tjerë nëse shkelin orarin e lëvizjes së lirë. Në lidhje me këtë, AGK menjëherë ka kontaktuar Ministrinë e Punëve të Brendshme, e cila ka bërë të ditur se nuk ka ndryshuar asgjë në vendimin për lejimin e lëvizjes për gazetarët dhe punonjësit medial”, ka njoftuar AGK.
“Ju njoftojmë se asgjë nuk ka ndryshuar në këtë drejtim, vlejnë rregullat e deritanishme për zhvillimin e aktiviteteve të tyre”, thuhet në përgjigjen e MPB-së për AGK.
AGK ka bërë thirrje te gazetarët, kameramanët, fotoreporterët dhe punonjësit tjerë të mediave që të mbajnë me vete ID-në e tyre të punës, e cila dëshmon angazhimin e tyre profesional.
(Kosova Sot Online)
