Lexoni edhe:
OBSH paralajmëron: Mos manipuloni me informacionet rreth pandemisë
Gjatë një konference për gazetarë që u mbajt të hënën pasdite, presidenti i Shteteve të Bashkuara, Donald Trump, kërkoi nga korrespondenti i agjencisë së lajmeve “Reuters”, Jeff Mason, që ta largojë maskën gjatë kohës që flet, por gazetari nuk veproi sipas kërkesës së presidentit.
Kreu i Shtëpisë së Bardhë e ndërpreu gazetarin përderisa ai po e shtronte pyetjen e parë, duke i thënë: “Do të të duhet ta heqësh atë (maskën), të lutem. Ti je…sa larg je?”
OBSH paralajmëron: Mos manipuloni me informacionet rreth pandemisëLexoni edhe:
Megjithatë, gazetari nuk veproi sipas kërkesës së presidentit amerikan, duke thënë se do të flasë me zë më të lartë që të dëgjohet më mirë, shkruan CNN.
Trumpi nuk ishte i kënaqur me përgjigjen, duke i thënë gazetarit se zëri i tij ishte shumë i mbytur për shkak të maskës. “Nëse do ta hiqje atë, do të ishte shumë më lehtë”, i tha gazetarit presidenti amerikan.
Përsëri, gazetari e ngriti zërin dhe e përsëriti ofertën për të folur me zë më të lartë, duke pyetur “a është më mirë tash?”
Më në fund, Trumpi duket se ishte i kënaqur dhe i tha: “Më mirë është. Po, më mirë”.
WATCH: President Trump told Reuters reporter Jeff Mason to take off his mask at a White House press conference, saying he was "very muffled." Mason refused and said he would just speak louder https://t.co/Nj065CIsxp pic.twitter.com/MfrsjkXaeL
— CBS News (@CBSNews) September 7, 2020
(Kosova Sot Online)