Lexoni edhe:
Tkurrjen e territorit dhe aseteve të shtetit të Kosovës i futi në agjendë të dialogut presidenti aktual Hashim Thaçi
ShBA-ja dhe Izraeli kundër rezolutës për menaxhim të koordinuar botëror të pandemisë
Shtetet e Bashkuara të Amerikës kanë votuar kundër një rezolute të Kombeve të Bashkuara, me të cilën kërkohej menaxhim i koordinuar dhe gjithëpërfshirës i pandemisë Covid-19.
Agjencia AFP raportoi se në këtë rezolutë, Organizatës Botërore të Shëndetësisë i njihej roli udhëheqës, që mund të ketë shkaktuar pakënaqësi te Shtetet e Bashkuara.
Kjo rezolutë u përkrah nga 169 shtete nga 193 sa kishin të drejtë vote, shkruan The Guardian, transmeton Gazeta Express.
Në rezolutë thuhet se njihet roli udhëheqës dhe kyç i Organizatës Botërore të Shëndetësisë për menaxhim të koordinuar dhe gjithëpërfshirës të situatës me pandeminë Covid-19.
Shtetet e Bashkuara në pranverë vendosën që të tërhiqen nga OBSh-ja, duke e akuzuar këtë organizatë për keqmenaxhim të situatës dhe vonesë për ta paralajmëruar botën rreth rrezikut.
Para votimit të kësaj rezolute, Shtetet e Bashkuara u përpoqën ta largonin një parafrap për mbrojtjen e grave në fushën e shëndetit riprodhues për shkak të ankesave rreth abortit, por dështuan ta arrijnë qëllimin.
Largimin e këtij paragrafi e kërkuan edhe Libia dhe Iraku. Megjithatë, 120 shtete votuan që paragrafi të mbetet në rezolutë, ndërsa 25 të tjera abstenuan.
(Kosova Sot Online)
