Haradinaj uron nxënësit dhe mësimdhënësit për fillimin e vitit të ri shkollor

Kryetari i Aleancës për Ardhmërinë e Kosovës (AAK), Ramush Haradinaj ka uruar nxënësit dhe mësimdhënësit për fillimin e vitit të ri shkollor.

Përmes një statusi në llogarinë e tij në Facebook, Haradinaj ka thënë se ky shtator është ndryshe nga vitet tjera, me sfida dhe i pa përjetuar më parë.

Lexoni edhe:

15 vjeçarja zhduket në lumë, babai zhytet çdo mëngjes për ta kërkuar

“Është një shtator ndryshe nga vitet e tjera. Me sfida që nuk i kemi përjetuar më parë, do e fillojmë një vit të ri shkollor, me masa e kujdes të shtuar. Duke përgëzuar Ministrinë dhe drejtoritë komunale të arsimit, uroj që ky vit shkollor të jetë i mbarë e i suksesshëm, veçanërisht uroj ata fëmijë, që sot për të parën herë ulen në bankat e shkollës!”, ka shkruar Haradinaj.

Postimi i plotë:Të dashur nxënës, mësimdhënës e prindër!Është një shtator ndryshe nga vitet e tjera. Me sfida që nuk i kemi përjetuar më parë, do e fillojmë një vit të ri shkollor, me masa e kujdes të shtuar.Duke përgëzuar Ministrinë dhe drejtoritë komunale të arsimit, uroj që ky vit shkollor të jetë i mbarë e i suksesshëm.Veçanërisht uroj ata fëmijë, që sot për të parën herë ulen në bankat e shkollës!Bashkëpunimi dhe bashkërendimi i stafit edukativo-arsimor, prindërve dhe organet përgjegjëse për arsim, nuk ka qenë kurrë më i domosdoshëm. Ta kalojmë edhe këtë sfidë me sukses, për hir të ardhmërisë së gjeneratave tona të reja.Shumë urime! 

(Kosova Sot Online)