Lexoni edhe:
Ja si po përgatitet skenari i rrëzimit të Qeverisë Hoti
Qesharake: Trumpi përdor foto të aeroplanëve rusë për ta përkrahur ushtrinë amerikane
Presidenti i Shteteve të Bashkuara, Donald Trump, përmes zyrtarëve të fushatës e ka përgatitur një fotografi për ta përkrahur ushtrinë amerikane. Megjithatë, në pamje shihen aeroplanë luftarakë rusë.
Reklama e publikuar nga data 8 deri më datën 12 shtator është përgatitur nga komisioni për fushatën zgjedhore, i quajtur “Make America Great Again”, shkruan Daily Mail.
Në këtë fotografi shihen pesë ushtarë rusë, disa prej tyre me armë ruse AK-74 në duar, ndërsa mbi ta shihen disa aeroplanë rusë të tipit MiG-29.
Pierre Sprey, i cili kishte dhënë ndihmë për dizajnimin e aeroplanëve F-16 dhe A-10 për forcat ajrore të Shteteve të Bashkuara, i tha gazetës Politico: “Ky definitivisht është një MiG-29”.
Praninë e aeroplanëve rusë në këtë fotografi e konfirmoi edhe Ruslan Pukov, drejtor i Qendrës për Strategji dhe Teknologji në Moskë.
Zyrtarët e fushatës së presidentit Trump nuk i janë përgjigjur kërkesës për koment. Kjo gafë ndodhi në kohën kur ka pretendime se Rusia është duke ndërhyrë në zgjedhjet presidenciale, duke u përpjekur ta dëmtojë kandidatin Joe Biden.
(Kosova Sot Online)
