Lexoni edhe:
Hapet valixhja për të cilën u bllokua rruga “Bill Clinton”, ishte e mbushur me rroba
Diplomati suedez ia bën të çartë Vuçiqit një gjë për Kosovën
Bashkëkryesuesi i Këshillit Europian për Marrëdhëniet e Jashtme, Carl Bildt, njëherësh përfaqësuesi i parë i lartë në Bosnje e Hercegovinë, ka thënë se Serbia do të duhet ta njohë Kosovën si shtet i pavarur
Në një intervistë për ‘Politicki.ba, Bildt tha se presidenti serb, Aleksandar Vuciq e ka pasur rastin që ta bëjë këtë dikur, por tanimë ai moment ka kaluar.
Mirëpo sipas tij, Vucic e di se kjo është rruga e Serbisë drejt BE’së.
“Në një moment, Serbia do të duhet ta njohë Kosovën. Presidenti i Serbisë, Aleksandar Vuçiq, në një moment e ka pasur fuqinë për një vendim të tillë, por ai moment është lëshuar. Dhe ai e di që ky është çelës për rrugën e Serbisë drejt Bashkimit Europian”, tha Bildt në këtë intervistë.
Vlen të theksohet se Vucic vazhdimisht ka thënë se nuk do ta njeh Kosovën si shtet i pavarur, mirëpo nga SHBA dhe BE kanë deklaruar se marrëveshja finale mes dy vendeve duhet të përfundojë me njohje reciproke.
(Kosoa Sot Online)
