Lexoni edhe:
Prishtinë: Ndahet nga gruaja, i shkon tek banesa duke e kërkuar djalin e tyre dy vjeçar
Një gjykatë në Kinë e ka dënuar me 18 vjet burgim dhe mbi 600,000 dollarë gjobë një ish-udhëheqës të kompanive për prona pasi e shpalli fajtor për ryshfet.
I dënuari Ren Zhiqiang, ish-shef i kompanisë për patundshmëri “Huayuan”, e kishte quajtur palaço presidentin kinez. Përpos dënimit me burgim, ai duhet të paguajë një gjobë prej 619 mijë dollarësh, shkruan Reuters.
Prishtinë: Ndahet nga gruaja, i shkon tek banesa duke e kërkuar djalin e tyre dy vjeçarLexoni edhe:
Sipas gjykatës, Zhiqiang ka pranuar 1.25 milion juanë ryshfet dhe ka keqmenaxhuar me 111 milionë juanë të tjerë.
Në njoftimin për dënimin e tij gjithashtu thuhet se keqpërdorimet e shkaktuara nga ky person u kanë shkaktuar humbje prej 117 milionë juanësh kompanive shtetërore, ndërsa për vete i ka përfituar 19.4 milionë juanë.
Sipas autoriteteve, Zhiqiang i ka kthyer të gjitha paratë e fituara në mënyrë të jashtëligjshme, është rrëfyer vullnetarisht për të gjitha akuzat, e ka pranuar dënimin dhe nuk do të paraqesë ankesë.
Ren ishte ndaluar nga policia në mars pasi iu kishte referuar presidentit kinez si palaço për një fjalim që e kishte mbajtur në shkurt rreth përpjekjeve të qeverisë për ta luftuar koronavirusin.
(Kosova Sot Online)