Lexoni edhe:
Përfundimi i turpshëm e lojës së Hashim Thaçit për dobësimin e mandatit të Gjykatës Speciale
Ministrja Haradinaj merr mbështetje nga Greqia për përmbylljen e liberalizimit të vizave
Ministrja e Punëve të Jashtme të Kosovës, Meliza Haradinaj-Stublla ka biseduar me homologun e saj grek Nikos Dendias me theks të veçantë në liberalizimin e vizave.
Ministrja Haradinaj ka thënë se homologu grek i ka konfirmuar mbështetjen e Greqisë për përmbylljen e liberalizimit të vizave për Kosovën.
“Në kuadër të sesionit të 75-të të Asamblesë së Përgjithshme të Kombeve të Bashkuara, Ministrja e Punëve të Jashtme dhe Diasporës e Republikës së Kosovës, znj.Meliza Haradinaj Stublla, sot mbajti një videokonferencë me Ministrin e Jashtëm të Greqisë, Nikos Dendias. Kryediplomatja Haradinaj Stublla tha se homologu grek i ka konfirmuar mbështetjen e madhe të Greqisë në përmbylljen e liberalizimit të vizave për Kosovën, duke theksuar nevojën e bashkëpunimit të gjerë rajonal politik dhe ekonomik, për të ruajtur qëndrueshmërinë e paqes dhe stabilitetit në rajon, dhe fuqizuar perspektiven eurointegruese të rajonit”, thuhet në komunikatën e MPJ’së.
(Kosova Sot Online)
