Aksident mes një kamioni dhe një autobusit në Prishtinë, Policia jep detaje

  • E.K /
  • 25 shtator 2020 - 10:41
Aksident mes një kamioni dhe një autobusit në Prishtinë, Policia jep detaje

Një aksident trafiku ka ndodhur sot në rrugën ‘Dëshmorët e Kombit’ në Prishtinë, ku ishin të përfshira një kamion dhe një autobus.

Ngjarja ka ndodhur rreth orës 09:00 dhe nuk raportohet për të lënduar, por vetëm dëme materiale.

Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

“Rreth orës 09:00, në rrugën Dëshmorët e Kombit në Prishtinë, ka ndodhë një aksident trafiku në mes të një kamioni dhe autobusi. Bazuar në të dhënat fillestare, në aksident janë shkaktuar vetëm dëme materiale. Me rastin po merret njësiti kompetent në stacionin policor jugu”, tha Ahmeti. 

(Kosova Sot Online)