Kush është këshilltarja që dyshohet se infektoi me koronavirus çiftin Trump

Presidenti Donald Trump dhe zonja e parë, Melania Trump janë konfirmuar pozitivë me koronavirus. Më herët, një nga këshilltaret e tij kryesore, e cila ka qenë pranë tij shumë herë këtë javë, rezultoi pozitive për COVID-19.

Një nga ndihmëset e tij më të afërta, Hope Hicks kishte rezultuar pozitive të enjten.

Lexoni edhe:

Shansi i fundit për deputetët, ta lajnë turpin e madh me bllokimin e Ligjit për rimëkëmbjen ekonomike- tërheqjen e 10% të kursimeve nga TRUST-i

Hicks kishte filluar të kishte simptoma të lehta gjatë udhëtimit me avion nga një tubim në Minesota në Uashington të mërkurën në mbrëmje, sipas një zyrtari të administratës, i cili foli në kushte anonimiteti për të diskutuar informacione private shëndetësore.

Ajo u izolua nga personat e tjerë në avion dhe diagnoza e saj u konfirmua të enjten.

Presidenti Trump shkroi në Twitter të enjten vonë: “Zonja e Parë dhe unë po presim rezultatet e testit. Ndërkohë, ne do të fillojmë procesin e karantinës”. Më pas ata morën përgjigjet ku rezultuan pozitivë.

(Kosova Sot Online)