Lexoni edhe:
Risia në Instagram, komenti juaj mund “të zhduket”
Haradinaj-Stublla: Gjendja e shqiptarëve në Serbi është alarmante
Gjendja e shqiptarëve në Serbi është alarmante, kështu ka bërë të ditur ministrja e Punëve të Jashtme dhe Diasporës në Kosovë, Meliza Haradinaj-Stublla.
Ministrja përmes një postimi në Facebook tha se shqiptarët në Serbi po diskriminohen në baza etnike, po u cungohen të drejtat, jeta dhe perspektiva e së ardhmes.
Haradinaj-Stublla sot u takua me kryetarin e Komunës së Preshevës, Shqiprim Arifi, ku kanë biseduar për modalitetet rreth angazhimeve të dy qeverive për fondin e përbashkët në mbështetje të shqiptarëve në Serbi.
“Do të përkrahë projekte të Këshillit Kombëtar Shqiptar dhe komunave në fushën e arsimit, aftësimit profesional, trashëgimisë kulturore dhe nxitjes shkencore, dhe funksionalizimit të Zyrës për Luginën në kuadër të Zyrës së Kryeministrit”, tha Haradinaj-Stublla.
Ajo tha se kërkesa legjitime për ndaljen e fushatës sistematike të depopullimit përmes pasivizimit të adresave në Medvegjë duhet të ngritet deri në nivelin më të lartë ndërkombëtar.
(Kosova Sot Online)
