Gjermania shënon mbi 4.000 raste me Covid-19, më së shumti që nga fillimi i prillit

  • E.K /
  • 08 October 2020 - 08:59
Gjermania shënon mbi 4.000 raste me Covid-19, më së shumti që nga fillimi i prillit

Instituti gjerman për sëmundje ngjitëse “Robert Koch” ka njoftua se gjatë 24 orëve të kaluara në Gjermani janë shënuar 16 të vdekur nga koronavirusi. Një ditë më parë u regjistruan gjithashtu 16 raste fatale.

Në këtë mënyrë, numri i përgjithshëm i viktimave të sëmundjes së re në ekonominë më të fuqishme evropiane shkoi në 9,578, shkruan The Guardian.

Përpos rasteve fatale, gjatë kësaj periudhe u shënuan edhe 4.058 infektime të reja dhe shifra e përgjithshme e të prekurve shkoi në 310.144. Një ditë më parë u regjistruan 2.828 raste.

Ndryshe, qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera.

Ndonëse është në mesin e shteteve evropiane me numrin më të lartë të personave të infektuar, Gjermania ka regjistruar shumë më pak viktima se Britania e Madhe, Franca, Italia e Spanja.

(Kosova Sot Online)