Lexoni edhe:
Komisioneri i Agjencisë për Informim e Privatësi do të zgjidhet me 61 vota
Zëdhënësi i qeverisë greke, Stelios Petsas, ka thënë se Greqia nuk do të zhvillojë bisedime me Turqinë në lidhje me shfrytëzimin e burimeve natyrore në Mesdhe pa u tërhequr anija eksploruese “Oruc Reis” nga ujërat e kontestuara.
“Për aq gjatë sa anija Oruc Reis është në zonë, ne nuk do të mbajnë kontakte për eksplorim me Turqinë”, tha ky zëdhënës për Radio Skai-n.
Komisioneri i Agjencisë për Informim e Privatësi do të zgjidhet me 61 votaLexoni edhe:
Të hënën, Greqia tha se vendimi i Ankarasë për të dërguar anije afër ishullit grek, Kastellorizo, është eskalim i madh dhe kërcënim i drejtpërdrejtë për paqen në rajon, shkruan Reuters.
Turqia e kishte tërhequr muajin e kaluar këtë anije nga ujërat e kontestuara. Ky vendim ishte marrë para samitit të Bashkimit Evropian, në të cilin u diskutua për sanksione ndaj Turqisë.
Në këtë samit, Bashkimi Evropian tha se nëse Turqia i vazhdon operacionet në rajonin e Mesdheut Lindor, sanksionet kundër këtij shteti mund të vendosen në dhjetor.
(Kosova Sot Online)